مسیحی قوم کرسمس کی خوشیوں میں متاثرین سیلاب کو یاد رکھے، ڈاکٹر جوزف ارشد 

راولپنڈی (جنرل رپورٹر) مسیحی روحانی پیشواء آرچ بشپ راولپنڈی اسلام آباد ڈاکٹر جوزف ارشد نے کہا ہے کہ مسیحی قوم کرسمس جشن میں اپنے سیلاب سے متاثرہ بھائیوں کو بھی یاد رکھے اور ان کے دکھ و درد کو بانٹے ، رواں برس وطن عزیز کو بدترین سیلاب کا سامنا کرنا پڑا،اپنے کرسمس پیغام میں ڈاکٹر جوزف ارشد نے کہا کہ کرسمس پیار و محبت اور اَمن کا تہوار ہے۔ کرسمس کاتہوار ہمیں اَمن کے شہزادے مسیح یسوع کی پیدائش کی عید کے جشن میں مکمل طور پر شامل ہونے میں مدد دیتا ہے، انہوںنے مسیحی برادری کو تلقین کی کہ کرسمس کی خوشیوں میں دُکھی انسانیت کی بحالی اور خاص طور پر اپنے پیار ے ملک پاکستان کی سلامتی اور بقا ء کے لئے خصوصی دُعا مانگیں۔