لاہور (سپورٹس رپورٹر)پاکستان کرکٹ بورڈ کی مینجمنٹ کمیٹی میں شامل ویمن کرکٹ ٹیم کی سابق کپتان ثنا ءمیر نے کہا ہے کہ فی الحال میں اس کمیٹی میں شرکت نہیں کرسکوں گی۔سماجی رابطے کی ویب سائٹ ٹوئٹر پر ثنا میر نے لکھا کہ پی سی بی کی مینجمنٹ کمیٹی میں شامل کیا جانا عزت کی بات ہے لیکن فی الحال میں اس میں حصہ نہیں ڈال سکوں گی۔ثنا ءمیر نے اپنے پیغام میں وجہ بتائی کہ وہ فیکا میں اور کمنٹری کے ذریعے اپنا حصہ ڈالنا چاہتی ہیں۔ تمام فیصلہ کرنے والوں اور دنیا بھر سے مبارک باد دینے والوں کا شکریہ ادا کرتی ہوں۔واضح رہے کہ پاکستان کرکٹ بورڈ کے معاملات چلانے کے لیے وزیراعظم شہباز شریف نے 14 رکنی کمیٹی بنائی تھی جس میں ثنا میر کا نام بھی شامل تھا۔