گوجرانوالہ (نمائندہ خصوصی ) جناح سٹیڈیم گوجرانوالہ میں گوجرانوالہ پولیس اور گجرات پولیس کی کبڈی ٹیموں کے درمیان میچ کھیلا گیا۔جس میںکمشنرغلام فرید، آرپی اومنیر مسعود مارتھ،سی پی اوعمر سلامت مہمانان خصوصی تھے۔گوجرانوالہ پولیس کے کھلاڑیوں نے اعلی کارکردگی کا مظاہرہ کرتے ہوئے ٹائٹل اپنے نام کیا۔تقریب کے آخرمیں نمایاں کارکردگی کا مظاہرہ کرنے والے کھلاڑیوں میں شیلڈز، تعریفی سرٹیفکیٹ اور نقد انعامات تقسیم کیے گئے۔اس موقع پر کمشنر گوجرانوالہ نے کہا کہ پولیس میں صحت مندانہ سرگرمیوں کی حوصلہ افزائی اور کھیلوں کے فروغ کے لیے سی پی اونے جو اقدامات کیے ہیں وہ قابل تعریف ہیں ، آر پی او منیر مسعود مارتھ نے کہا کہ جسمانی صحت کو برقرار رکھنے کے لیے کھیلوں کی سرگرمیوں میں بڑھ چڑھ کر حصہ لینا چاہیے۔ سی پی اوعمر سلامت نے کہا کہ ایسے ٹورنامنٹ کے انعقاد سے پولیس فورس کے جوانوں میں مثبت اور صحت مندانہ سرگرمیوں کو فروغ ملے گا۔