ممتاز نعت گو شاعر مظفر وارثی  کا یوم پیدائش منایا گیا

کراچی (پی پی آئی)"زندگی تجھ سے ہر اک سانس پہ سمجھوتہ کروں/شوق جینے کا ہے  مجھ کو مگر اتنا بھی نہیں" جیسے لاتعداد خوبصورت اشعار کے خالق  منفرد لہجے کے ممتاز نعت گو شاعر مظفر وارثی 23دسمبر 1933ء میرٹھ، ہندوستان میں پیدا ہوئے اور28جنوری 2011 کو وفات پائی۔وہ تقسیم ہند کے بعد پاکستان آگئے اور لاہور میں بودوباش اختیار کی۔ بہترین نعت گو کا ایوارڈ پاکستان ٹیلی ویژن سے 1980ء میں حاصل کیا۔ غالب اکیڈمی دہلی کی جانب سے بہترین شاعر کا ’’افتخار غالب‘‘ ایوارڈ  بھی ملا۔ متعدد فلموں کے گانے بھی لکھے مگر جب  نعت کہنا شروع کی تو فلمی گانوں کو خیرباد کہہ دیا۔