سنجوال کینٹ (نامہ نگار)شیں باغ گاؤں کی معروف سیاسی وسماجی شخصیت ملک یاسر، ملک علی ان کے دیگر بھائیوں دوست احباب برداری اور دھڑے نے رکن قومی اسمبلی میجر طاہر صادق گروپ میں شمولیت اختیار کرلی اس سلسلے میں ان کی رہائش گاہ پر شمولیتی تقریب منعقد ہوئی جس میں معززین علاقہ نے کثیر تعداد میں شرکت کی اس موقع پر ملک یاسر نے خطاب کرتے ہوئے کہا کہ وہ اور ان کی برداری مرتے دم تک میجر طاہر صادق کا ساتھ نبھائے گی رکن قومی اسمبلی میجر طاہر صادق نے خطاب کرتے ہوئے کہا کہ ملک یاسر ان کے بھائیوں دوست احباب کی میجر گروپ میں شمولیت سے میجر گروپ پہلے سے زیادہ مضبوط ہوگا اور شامل ہونے والوں کو کبھی مایوسی کا سامنا نہیں کرنا پڑے گا لوگوں کے مسائل بے روزگاری ،مہنگائی، تعلیم اور صحت کے علاؤہ دیگر شعبوں میں ہمہ وقت جاری رہتے ہیں ۔ ہم نے اللہ تعالیٰ کے فضل و کرم سے ان کے مسائل حل کرائے مسائل حل ہونے کے بعد بھی ان کی آنکھوں میں خوشی کے آنسو ہوتے ہیں لوگوں کی محبت ہے کہ اللہ تعالیٰ نے عزت سے نوازا ہے شمولیتی تقریب سے سٹی صدر تحریک انصاف شیخ نثار احمد نے بھی خطاب کرتے ہوئے ملک یاسر، ملک علی ان کے بھائیوں کی میجر گروپ میں شمولیت کو خوش آئند قرار دیا۔