صوبائی سیکرٹری اوقاف کادورہ قصور‘ مزاربابا بلھے شاہ پر حاضری دی 

قصور(نمائندہ نوائے وقت)صوبائی سیکرٹری اوقاف سید طاہر رضا بخاری کادورہ قصور، مزار بابا بلھے شاہ پر حاضری‘پھولوں کی چادر چڑھائی اور مزارپر جاری ترقیاتی کاموں کا جائزہ لیا۔ اس موقع پر منیجر اوقاف ودیگر متعلقہ افسر بھی موجود تھے۔ دورہ کے موقع پر صوبائی سیکرٹری اوقاف کو جاری ترقیاتی کاموں کے حوالے سے بریفنگ دی گئی۔ اس موقع پر صوبائی سیکرٹری اوقاف نے کہا کہ پنجاب حکومت کی ہدایات پر مزار حضرت بابا بلھے شاہ پر ترقیاتی کاموں کو مقررہ مدت میں مکمل کیا جائے گا۔ صوبائی سیکرٹری نے جاری ترقیاتی کاموں میں استعمال ہونے والے میٹریل کابھی جائزہ لیا۔ انہوں نے متعلقہ افسران کو ہدایت کی کہ جاری کاموں کو مقررہ مدت میں ہر صورت مکمل کیاجائے۔