شیخوپورہ (سلطان حمید راہی ،ڈاکٹر شیخ جمیل اختر ،سیف الرحمن سیفی) پٹرولنگ پولیس کی ناقص کارکردگی کے باعث شاہراہوں پر ٹریفک حادثات میں تشویشناک حد تک اضافہ ہو گیا ہے ان حادثات کی وجہ سے بے گناہ لوگ موت کی وادی میں چلے جاتے ہیں اور کچھ زخمی ہو کر ساری زندگی کیلئے اپاہج ہوجاتے ہیں جبکہ پٹرولنگ پولیس صرف سڑکوں پر ناکے لگا کر مبینہ طورپر بڑی گاڑیوں سے بھتہ وصول کرنے میں مصروف ہیں ۔ جس کی وجہ سے شیخوپورہ لاہور ،فاروق آباد ،فیصل آباد اور گوجرانوالہ روڈ سمیت شہر بھر میں ٹریفک کے حادثات میں اضافہ ہو گیا ہے جبکہ سڑکوں پر تجاوزات نے بھی عوام کا جینا دو بھر کر دیا۔