گوجرانوالہ(نمائندہ خصوصی)ڈسٹرکٹ پاپولیشن ویلفیئرآفس گوجرانوالہ اور ٹی سی آئی(گرین سٹار)کے باہمی اشتراک سے لیڈیز پارک سول لائن میں ایک روزہ فیملی فیسٹیول کاانعقادکیاگیاجس میں خواتین اور بچوں کی کثیر تعداد نے شرکت کی۔ فیسٹیول میں فیملیز کی آگاہی کیلئے ڈسٹرکٹ پاپولیشن ویلفیئرآفس کی جانب سے فیملی پلاننگ آگاہی سٹال لگایاگیا جہاں پردوسو سے زائد خواتین کو فیلی پلاننگ کے بارے میں آگاہی دی گئی۔ اس کے علاوہ ہیلتھ‘ سوشل ویلفیئر‘ ہائیر ایجوکیشن ڈیپارٹمنٹ اور صنعت زار کی طرف سے بھی عوام کی آگاہی کیلئے مختلف سٹالزلگائے گئے‘ خواتین اور بچوں کیلئے کھانے اور تفریح کیلئے جمپنگ کیسل‘ میوزک پپٹ اور میجک شوزکا بھی اہتمام کیاگیا۔ فیملیز نے تمام ایونٹس اور سٹالزکا بھرپور لطف اٹھایا اور اس بات کی خواہش کا اظہار کیا کہ آئندہ بھی اس طرح کے پروگرامز تسلسل کے ساتھ جاری رہنے چاہئیں۔