پریذیڈنٹ ٹرافی: سوئی ناردرن ‘ واپڈا نے بونس پوائنٹس جیت لئے

لاہور(سپورٹس رپورٹر)کراچی میں جاری پریذیڈینٹ ٹرافی کے دوسرے رائونڈ کے دوسرے روز سوئی ناردرن گیس پائپ لائن لمیٹڈ اور واپڈا نے اننگز کا ایک ایک پوائنٹ حاصل کرلیا۔ایس این جی پی ایل نے پی ٹی وی کیخلاف 424 کی اننگز کھیلی، واپڈا نے ہائر ایجوکیشن کیخلاف 391 رنز بنائے۔ ایس این جی پی ایل نے پی ٹی وی کیخلاف عابد علی کے 121 اور عمیر بن یوسف کے 120 رنز کی بدولت پہلی اننگز کے مقررہ 80 اوورز میں 7 وکٹ پر 424 رنز بناکر بیٹنگ بونس پوائنٹ کیساتھ ساتھ 3 مزید پوائنٹس سمیٹے، پی ٹی وی نے دوسری اننگز میں 66 رنز بنالئے۔ واپڈا نے بھی ہائر ایجوکیشن کیخلاف 4 وکٹوں کے نقصان پر 391 رنز کیساتھ 4 بیٹنگ پوائنٹس اپنے نام کئے۔افتخار احمد 123 اور محمد سعد 102 رنز کیساتھ ٹاپ سکورر رہے، کھیل کے اختتام تک ایچ ای سی نے دوسری اننگز میں 2 وکٹ پر 111 رنز بنالیے۔کے آر ایل نے غنی گلاس کیخلاف معاذ صداقت کے 84 اور علی زریاب کے 65 رنز کے ذریعے پہلی اننگز میں 8 وکٹ پر 320 رنز کا سکور بورڈ پر سجایا، نیاز خان نے 4 کھلاڑیوں کو آئوٹ کیا۔