پہلے ٹی ٹوینٹی مین انگلینڈ نے ٹاس جیت کر پاکستان کو پہلے بیٹنگ کی دعوت دی۔ پاکستانی ٹیم نے مقررہ بیس اوورز میں چھ وکٹوں کے نقصان پر ایک سو چوالیس رنز سکور کیے۔ پاکستان کی جانب سے شعیب ملک انتالیس مصباح الحق چھبیس جبکہ محمد حفیظ تئیس رنز کے ساتھ نمایاں رہے۔ انگلینڈ کی جانب سے سوان نے تین جبکہ فن اور ڈیرن بیچ نے ایک ایک کھلاڑی کو آؤٹ کیا۔ ایک سو پینتالیس رنز کے تعاقب میں انگلینڈ کی ٹیم چھ وکٹوں کے نقصان پر ایک سو چھتیس رنز بنا سکی۔ انگلینڈ کی جانب سے بوپارہ نے انتالیس اور پیٹرسن نے تینتیس رنز سکور کیے۔ پاکستان کی طرف سے عمر گل نے تین جبکہ محمد حفیظ نے دو اور شاہد آفریدی نے ایک وکٹ حاصل کی۔