آسٹریلیا کے شہر ہوبارٹ میں کھیلے گئے میچ میں آسٹریلیا نے ٹاس جیت کر پہلے بیٹنگ کرتے ہوئے سری لنکا کو جیتنے کے لئے دوسو اسی رنز کا ٹارگٹ دیا۔ کینگروز کی جانب سے پیٹر فورسٹ نے ایک سو چار اور مائیکل کلارک نے بہتر رنز بنائے۔ ہدف کے تعاقب میں سری لنکن ٹیم نے انچاس اعشاریہ دو اوورز میں سات وکٹوں کے نقصان پر دوسوتراسی رنز بنا کر میچ اپنے نام کرلیا۔ سری لنکا کی جانب سے جے وردھنے پچاسی اورچندی مال اسی رنز بناکرنمایاں رہے۔ اس فتح کے بعد لنکن ٹیم سہ فریقی سیریز میں پوائنٹس ٹیبل پر سرفہرست آگئی ہے۔