کراچی سہراب گوٹھ میں نامعلوم افراد کی فائرنگ کے باعث ایک سیاسی جماعت کے کارکن خیرالدین کی ہلاکت ہوئی جس پر مشتعل افراد نے ہنگامہ آرائی کرکے سڑک بلاک کردی، مشتعل افراد کے پتھراؤ اور فائرنگ کے باعث سہراب گوٹھ پر ٹریفک معطل ہوگئی جس سے گاڑیوں کی لمبی قطاریں لگ گئیں، مشتعل افراد نے متعدد گاڑیوں کے شیشے توڑ دیے۔ شدید فائرنگ کے باعث ایک شخص زخمی بھی ہوا جسے ہسپتال منتقل کردیا گیا ہے جبکہ صورتحال کو کنٹرول کرنے کیلئے پولیس اور رینجرز کی بھاری نفری موقع پرپہنچی جس نے مشتعل افراد کو منتشر کیا اور ٹریفک بحال کرائی۔