لاہور (کلچرل رپورٹر) ایشیئن کلچرل ایسوسی ایشن آف پاکستان کے زیراہتمام پاکستان فلم انڈسٹری کے نغمہ نگار، مصنف، کالم نگار، سماجی و ثقافتی شخصیت لیجنڈ خواجہ پرویز کو خراج عقیدت پیش کرنے کیلئے ان کی یاد میں ”اعترافِ خدمت“ کی عظیم الشان اور شاندار تقریب 7 مارچ کو الحمرا ہال نمبرI لاہور میں منعقد کی جائے گی۔ ”اعترافِ خدمت“ کی تقریب میں نامور کالم نگار، شاعر، اداکار، تخلیق کار، صحافی، سماجی، ثقافتی شخصیات اور سول سوسائٹی خواجہ پرویز کی نصف صدی پر محیط خدمات پر روشنی ڈالیں گے۔ اس بات کا اعلان ایشیئن کلچرل ایسوسی ایشن آف پاکستان کے سیکرٹری جنرل و چیئرمین ایشیئن ایوارڈز کمیٹی سید سہیل بخاری نے کیا ہے۔ تقریب کے مہمان خصوصی میاں راشد فرزند علی، چیف ایگزیکٹو میاں فرزند سرکس و مرکزی سرپرست اعلیٰ ایسوسی ایشن ہوں گے۔