واشنگٹن میں وینا ملک، اسد خٹک کی دعوت ولیمہ، دوستوں سمیت 100افراد کی شرکتامریکی سٹائل اپنایا گیا، صحافیوں کی تواضع سی فوڈ سے کی گئی، ویڈنگ کیک بھی کاٹا گیا

واشنگٹن (نوائے وقت رپورٹ) اداکارہ وینا ملک اور اسد خٹک کی دعوت ولیمہ کی تقریب واشنگٹن میں ہوئی۔ نجی ٹی وی کے مطابق دعوت ولیمہ کی تقریب کا اہتمام کروز شپ پر کیا گیا جس میں دونوں طرف سے دوست، رشتے دار، عزیز و اقارب اور امریکی دوستوں سمیت 100 کے قریب افراد نے شرکت کی۔ اس موقع پر امریکی سٹائل اپنایا گیا، وینا ملک نے وائٹ ڈریس پہن رکھا تھا اور انکے ہاتھ میں گلدستہ تھا جبکہ اسد خٹک نے کالے رنگ کا سوٹ اور بو لگائی تھی۔ مہمانوں کی تواضع سی فوڈ سے کی گئی جبکہ ویڈنگ کیک بھی کاٹا گیا۔ اداکارہ وینا ملک نے اپنی دعوت ولیمہ پر گفتگو کرتے ہوئے کہا وائٹ ویڈنگ میرا بچپن کا خواب تھا۔ وائٹ ویڈنگ کی خوشی الفاظ میں بیان نہیں کر سکتی۔ وائٹ ویڈنگ پرانی مسلم روایت ہے۔ اصل تقریبات پاکستان میں ہوں گی اس موقع پر ان کے شوہر اسد خٹک نے کہا کہ نکاح کے وقت وینا ملک نے وائٹ ویڈنگ کی خواہش کا اظہار کیا تھا آج ہم دونوں کیلئے خوشی کا دن ہے۔