پی ایس ایل کی کامیابی کا کریڈٹ بورڈ کو جاتا ہے:سابق کرکٹرز

لاہور(سپورٹس رپورٹر)پاکستان سپر لیگ کے کامیاب انعقاد پر سابق کرکٹرز نے خوشی کا اظہار کرتے ہوئے کہا ہے کہ اس کا تمام کریڈٹ پاکستان کرکٹ بورڈ کو جاتا ہے ۔ سابق ٹیسٹ فاسٹ بائو لر عامر نذیر ‘سابق ٹیسٹ کرکٹر اشرف علی اور سابق فرسٹ کلاس کرکٹر شعیب حبیب نے کہا ہے کہ پی ایس ایل پر تنقید کرنے والوں کے منہ بند ہوگئے ہیں۔پی سی بی ان تھک محنت کی وجہ سے لیگ نے انٹر نیشل سطح پر بھی مقبولیت حاصل کرلی ہے۔ بھارتی میڈیا کامیابی سے جل رہاہے تو دنیا بھر کا میڈیا لیگ کے گن گا رہا ہے ۔ مستقبل میں بھی پاکستان سپر لیگ کامیابی کے جھنڈے کے گاڑے گی ۔ جیسے جیسے ٹیمیں بڑھیں گی اور میچز کا انعقاد پاکستان میں ہوگا اس کی مقبولیت میں اضافہ ہوتا چلا جائے گا۔پہلی بار ایونٹ کا انعقاد مشکل ضرور ہوتا ہے مگر بورڈ نے ایسا کبھی بھی محسوس نہیں ہونے دیا ۔