دہلی: کینیڈین وزیراعظم کا تقریب میں پنجابی گانے پر بھنگڑا، حاضرین حیران

نئی دہلی (نوائے وقت رپورٹ) کینیڈین وزیراعظم جسٹن ٹروڈو ڈھول کی تھاپ اور پنجابی گانے پر خود کو روک نہ سکے۔ نئی دہلی میں منعقدہ ایک تقریب میں بھنگڑا ڈالتے ہوئے انٹری دی تو حاضرین حیران رہ گئے اور خوب داد دی۔ اس موقع پر ٹروڈو اور انکی اہلیہ مشرقی لباس میں تھے۔ ٹروڈو کے بھنگڑے نے تقریب کو چار چاند لگا دیئے۔ سوشل میڈیا پر بھی ٹروڈو کا بھنگڑا ڈانس خاص توجہ کا مرکز بنا رہا۔