راولپنڈی (نیوزرپورٹر)لڑائی جھگڑوں کے دو واقعات میں چار خواتین سمیت پانچ شہری زخمی ہوگئے۔ تھانہ جاتلی کے علاقے میں گوبر پھینکنے کے معاملے پر سعید وغیرہ نے تنویر اسکے بھائی اوربلقیس بی بی ، یاسمین بی بی ، روبانہ بی بی اوربیوی شبانہ بی بی کو مارمار کر زخمی کردیا۔اسی تھانے کی حدود میں سگے بھائی قاسم نے وقاص کو گولیاں مار کر زخمی کردیا، ملزم بھائی کو رنج تھاکہ مضروب بھائی کیوں اسکے گھرمیں آیا ہے ۔ادھرتھانہ صدربیرونی کے علاقے میں راستہ ٹھیک کروانے کے تنازعے میں عبدالروف وغیرہ نے قطب الدین کو تشددکانشانہ بنادیا۔پولیس نے الگ الگ مقدمات درج کر کے تفتیش شروع کردی ۔