اسلام آباد (نیوزڈیسک)معروف ڈائریکٹر فیصل بخاری جوبلی پروڈکشن کے بینر تلے بننے والی فلم ڈائریکٹ کریں گے ۔فلم کی ڈائریکشن اور ڈی او پی کے لیے فیصل بخاری اور سی ای او یاسر سکھیرا میں معاہدہ طے پا گیا۔۔معروف فلم ڈائریکٹر فیصل بخاری اور جوبلی پروڈکشن کے درمیان فلم گوری سیز سوری کی ڈائریکشن کا معاہدہ طے پا گیا ۔ گزشتہ روز ہونے والی ملاقات میں فیصل بخاری اور کمپنی کے سی ای او اور پروڈیوسر یاسر ولید نے ایک معاہدے پر دستخط کیے ۔ اس موقع پر گفتگو کرتے ہوئے فیصل بخاری کا کہنا تھا کہ فلم کا جاندار اسکرپٹ دیکھ کر ڈائریکشن کی حامی بھری امید ہے کہ فلم گوری سیز سوری پاکستان فلم انڈسٹری میں ایک اچھا اضافہ ثابت ہو گی۔ پروڈیوسر یاسر ولید کا کہنا تھا کہ فیصل بخاری ملک کے بہترین فلم ڈائریکٹرز میں سے ایک ہیں ۔ فیصل بخاری کی جانب سے پروجیکٹ کا حصہ بننا خوش آئند ہے ۔ واضح رہے کہ جوبلی پروڈکشن کے بینر تلے بننے والی فلم گوری سیز سوری کی شوٹنگ اگلے ماہ شروع ہو گی ۔ فلم کا اسکرپٹ اور گیت معروف شاعر اور رائٹر احمد فرہادنے لکھے ہیں