لاہو ر (نمائندہ خصوصی) پولیس نے ملتان چونگی ڈیوٹی پر مامورٹریفک پولیس اہلکار رفاقت کو دوران ڈیوٹی دھمکیاں دینے اور گاڑی تلے روندنے کی کوشش میں ملوث تمام ملزموں کو گرفتار کرکے مقدمہ درج کر لیا ہے۔ ملزمان نے پولیس اہلکار کوفرائض سے روکنے کی کوشش کی روکنے پرگاڑی بھگانے لگے تاہم اہلکار گاڑی کے بونٹ پر بیٹھ گیالیکن ملزم نے گاڑی بھگا کر اہلکارکو نیچے روند ڈالا۔ملزمان کے خلاف تھانہ گلشن اقبال میں ایف آئی آر درج کی گئی جبکہ انہیںساندہ کے علاقہ سے گرفتار کیا گیا۔گرفتار ملزمان میں پولیس اہلکار کو جان سے مارنے کی دھمکیاں دینے والے اسد علی ،طلحہ لیاقت منصورہ جبکہ کار ڈرائیور شعیب عرف شعیبی جمیل پارک ملتان روڈ کا رہائشی شامل ہیں۔