راجہ جنگ+ قصور (نامہ نگار+ نمائندہ نوائے وقت) راجہ جنگ میں شادی کی تقریب کے دوران مکان کی چھت گرنے سے دولہا سمیت کئی مہمان زخمی ہو گئے۔ تفصیلات کے مطابق محمد علی مرحوم کے گھر ان کی نواسی کی شادی کی تقریب جاری تھی کہ رش کے باعث مکان کی چھت کا ایک حصہ اچانک گر پڑا جس سے دولہا سمیت متعدد مہمان زخمی ہوگئے۔ تاہم خوش قسمتی سے کسی قسم کا کوئی جانی نقصان نہیں ہوا۔ زخمیوں کی حالت بھی تسلی بخش بتائی جاتی ہے۔