امریکی گلوکارہمیگھن ٹرینر کے والد کار حادثے میں شدید زخمی

لاس اینجلس (اے پی پی)امریکی گلوکارہ میگھن ٹرینر کے والد گیری ٹرینرسڑک کراس کرتے ہوئے تیز رفتار کار کی ٹکر سے شدید زخمی ہوگئے۔ امریکی ذرائع ابلاغ کے مطابق میگھن کے نمائندے نے گیری ٹرینر کو پیش آنے والے حادثے کی تصدیق کرتے ہوئے بتایا کہ گیری کو حادثے کے فوری بعد لاس اینجلس کے ہسپتال لے جایا گیاجہاں ان کی حالت اب خطرے سے باہر بتائی جا رہی ہے ۔واضع رہے کہ گریمی ایوارڈ یافتہ گلوکارہ نے اپنے والد کے ساتھ ہونے والے اس حادثے پر عوامی طور پر کوئی تبصرہ نہیں کیا ۔