لاہور(سپورٹس رپورٹر)ملتان سلطانز لاہور قلندرز کو 28رنز سے ہرا کر پاکستان سپر لیگ سیون کے فائنل میں پہنچ گئی ۔ قذافی سٹیڈیم میں کھیلے گئے پلے آف کے میچ میں لاہور قلندرز نے ٹاس جیت کر فیلڈنگ کا فیصلہ کیا ۔ ملتان سلطانز نے2وکٹوں کے نقصان پر 163رنز بنائے ۔ شان مسعود 2اور عامر عظمت 33رنز بناکر آئوٹ ہوئے ۔ کپتان محمد رضوان 53اور رائیلی روسو 65رنز پر ناٹ آئوٹ رہے ۔ محمد حفیظ اور سمیت پٹیل نے ایک ایک وکٹ حاصل کی ۔ لاہور قلندرز 9وکٹوں پر 135رنز بنا سکی ۔ فخر زمان 63‘عبد اللہ شفیق 5‘کامران غلام 20‘محمد حفیظ صفر ‘ہیری بروک تیرہ ‘سمیت پٹیل گیارہ ‘فل سالٹ ایک ‘ڈیوڈ ویسا آٹھ شاہین شاہ آفریدی ایک رن بناکر آئوٹ ہوئے ۔ حارث رئوف سات اور زمان خان صفر پر ناٹ آئوٹ رہے ۔ شاہنواز دھانی نے تین ‘ڈیوڈویلی نے دو ‘رومان رئیس اور خوش دل شاہ نے ایک ایک وکٹ حاصل کی ۔ شاہنواز دھانی کو میچ کا بہترین کھلاڑی قرار دیا گیا