منڈی فیض آباد+ فیروزوالہ(نامہ نگاران) نواحی گاؤں چک نمبر 3 میںمحبت میں ناکا می پر نوجوان نے لڑکی کو گولی مارنے کے بعد اپنی زندگی کا خا تمہ کر لیا۔ زخمی لڑکی کی حالت تشویشناک بتائی جا رہی ہے۔ تفصیلات کے مطابق اشفاق احمد اور اسی گاؤں کی اقصیٰ ایک دوسرے کو چاہتے تھے اور وہ شادی کرنا چاہتے تھے مگر چند روز قبل اقصیٰ کے گھر والوں نے اس کا رشتہ کہیں اور طے کر دیا۔ آج وقوعہ کے وقت اشفاق اور اقصیٰ ایک جگہ اکھٹے ہوئے اور اس نے پہلے اقصیٰ پر گولی چلائی اور بعد میں اسی پستول سے فائرنگ کر کے اپنی جان کا خاتمہ کر لیا جبکہ زخمی اقصیٰ کو لاہور ہسپتال داخل کر وا دیا گیا بتایا جاتا ہے کہ اس کی حالت نازک ہے۔ مقامی پولیس مصروف ِتفتیش ہے۔