کراچی، سٹریٹ کرائم سے تنگ شہریوں نے ڈاکوئوں کی درگت بنا ڈالی

کراچی (نیوز رپورٹر) سٹریٹ کرائم سے تنگ شہری جان کی پروا کئے بغیر ڈاکوؤں سے مقابلہ کرنے لگے۔ کورنگی اور گلشن اقبال میں 3 ڈاکو شہریوں کے ہتھے چڑھ گئے۔ شہریوں نے مار مار کر ملزموں کی درگت بنا ڈالی۔ کورنگی میں پکڑے گئے ملزم کی شرٹ  اتار کر تشدد کا نشانہ بنایا گیا جبکہ گلشن سے بھی پکڑے جانے والے دونوں ڈاکوؤں کو بدترین تشدد کا نشانہ بنایا۔ ملزمان شہریوں کو لوٹ کر فرار ہونے کی کوشش کر رہے تھے، ڈاکوئوں کی پٹائی کے دوران پولیس بھی آپہنچی اور شہریوں نے پکڑے گئے تینوں ملزمان کورنگی اور گلشن اقبال پولیس کے حوالے کر دیئے۔