قومی ٹیسٹ کرکٹرز کی تیاریاں جاری ‘تربیتی کیمپ آج سے راولپنڈی میں شروع 

لاہور (سپورٹس رپورٹر)آسٹریلیا سے سیریز کیلئے قومی ٹیسٹ کرکٹرز کی تیاریوں میں تیزی آگئی۔نیشنل سٹیڈیم میں جاری تربیتی کیمپ میں  کے دوران کھلاڑیوں نے پریکٹس جاری رکھی ۔ کیمپ آج راولپنڈی منتقل ہو جائے گا۔  ان فٹ محمد نواز کی جگہ یاسر شاہ کو ٹیسٹ سکواڈ میں شامل کرنے پر غور کیا جارہا ہے۔قومی ٹیسٹ سکواڈ میں شامل کھلاڑی امام الحق، سعود شکیل، فواد عالم، نعمان علی اور ساجد خان رات گئے راولپنڈی پہنچ گئے۔کپتان بابراعظم آج راولپنڈی میں سکواڈ کو جوائن کرینگے جبکہ اظہر علی نجی مصروفیت کے باعث ایک روز بعد سکواڈ کو جوائن کریں گے۔سکواڈ میں شامل ریزرو کھلاڑی راولپنڈی نہیں جائیں گے انہیں  پاکستان کپ کھیلنے کی ہدایت کی گئی ہے۔