الیکس ہیلز اسلام آباد یونائیٹڈ کی ٹیم سے الگ تھلگ کردیئے گئے

لاہور (سپورٹس رپورٹر)پاکستان سپر لیگ 7 میں اسلام آباد یونائیٹڈ کی نمائندگی کر رہے انگلش کرکٹر الیکس ہیلز ٹیم سے آئیسولیٹ کردیئے گئے۔ترجمان پاکستان کرکٹ بورڈ کے مطابق ایلکس ہیلز پلے آف اور فائنل کیلئے اسلام آباد یونائیٹڈ کو دستیاب ہیں لیکن وہ ٹیم سے الگ تھلگ رہیں گے۔ ایلکس ہیلز کھلاڑیوں کے ببل سے علیحدہ ہوئے تھے، اس لیے اب وہ ٹیم کیساتھ سفر بھی نہیں کریں گے۔ ایلکس ہیلز کو ٹیم کا ڈگ آئوٹ استعمال کرنے کی بھی اجازت نہیں ہوگی اور نہ ہی وہ دیگر کھلاڑیوں کیساتھ گھل مل سکیں گے۔ اسلام آباد یونائیٹڈ میں شامل ایلکس ہیلز پر ٹیم کیساتھ ٹریننگ کرنے پر بھی پابندی عائد ہوگی۔