علی پور چٹھہ: کینڈا پلٹ شخص کی بیوی ڈاکوئوں کی فائرنگ سے قتل

علی پور چٹھہ(نامہ نگار)علی پور چٹھہ کے نواحی علاقہ حسن والی میں کینڈا پلٹ شہزاد کی بیوی کو دوران ڈکیتی فائر کرکے قتل کر دیا۔ علاقہ میں خوف و حراس۔تفصیلات کے مطابق علی پور چٹھہ کے نواحی علاقہ حسن والی کے رہائشی شہزاد اور اس کی بیوی ندا کینڈا میں مقیم ہیں چند روز قبل کینڈا سے پاکستان چھٹیاں گزارنے آ ئے تھے کہ گزشتہ رات باہر نکلے کہ ناکہ زن ڈاکوؤں نے اسلحہ کے زور پر روک لیااور پچاس ہزار نقد، طلائی زیورات موبائل فون لوٹ لیے جبکہ جاتے ہوئے آتشین اسلحہ سے اندھا دھند فائرنگ کر دی جس کے نتیجہ میں کینڈا نیشنل  ندا کی گردن پر فائرنگ لگااور وہ موقع پر ہلاک ہو گئی۔علاقہ میں راہزنی اور  ڈکیتی کی وارداتوں سے علاقہ کی سڑکیں غیر محفوظ ہوکر رہ گئی علاقے کے عوامی سماجی حلقوں نے آئی جی پنجاب سے نوٹس لینے پر زور دیا ہے کہ لااینڈ آرڈر کی بگڑتی ہوئی صورتحال پر تادیبی کاروائی کرتے ہوئے فرض شناس عملہ کی تعیناتی کو یقینی بنایا جائے۔