ملتان (پ ر) پنجاب یونیورسٹی سوشل ورک ڈیپارٹمنٹ کے طلباء و طالبات نے فلاحی اداروں میں کام پر مبنی اپنی رپورٹ پیش کی انہوں نے سماجی ترقی میں ذرائع ابلاغ کی اہمیت پر روشنی ڈالی سٹوڈنٹس کا کہنا تھا کہ نوجوان بہتر مستقبل کا خواب دیکھتے ہیں ان کی صلاحیتوں کو بروئے کار لاکر پاکستان ترقی کی منازل طے کر سکتا ہے انہوں نے اس عزم کا اظہار کیا کہ وہ اپنے علاقوں میں انسانی فلاح و بہبود کے لئے بھرپور کردار ادا کریں گے بیرونی معائنہ کار پروفیسر ظفر اقبال سندھو نے طلباء و طالبات کی رپورٹ پر اطمینان کا اظہار کرتے ہوئے کہا کہ پاکستان کا مستقبل روشن ہے ہمارے نوجوان سماجی ترقی میں اہم کردار ادا کر رہے ہیں ۔