کوئٹہ کی ہر شعبے میں مایوس کن کارکردگی ، چیئرمین بدلنے کا وقت آگیا : جیسن روئے 

لاہور(سپورٹس رپورٹر)پاکستان سپر لیگ کی ٹیم کوئٹہ گلیڈی ایٹرز کے انگلش کرکٹر جیسن روئے نے کہا ہے کہ ہم کم بیک کرنے کیلئے سخت محنت کر رہے ہیں، پچھلے میچز کو فراموش کر کے اگلے میچز پر توجہ دینا ہوگی۔ مجھے ہمیشہ اعتماد ہوتا ہے کہ میں ٹیم کی جیت میں کردار ادا کرسکتا ہوں، بدقسمتی سے ہم جیت نہیں پارہے لیکن وقت آگیا ہے کہ چیزیں بدلیں۔ کچھ پلیئرز کی صحت خراب ہے لیکن ہم اگلے میچ کیلئے تیار ہیں، ہم سب کو اندازہ ہے کہ کن کن شعبوںمیں بہتری لانے کی ضرورت ہے۔ کوئی ایک شعبہ نہیں ہم نے ہر شعبے میں مایوس کن پرفارم کیا، اہم یہ ہے کہ ہم دیکھیں کہ کیسے بہتر ہونا ہے جس سے ٹیم کو فائدہ ہو۔ پاکستان سپر لیگ کا معیار بہت اعلیٰ ہے، دنیا کی ہر لیگ میں ایک مختلف طرح کا چیلنج ہوتا ہے۔ پاکستان سپر لیگ کھیل کر انجوائے کرتا ہوں، یہاں کا کراؤڈ زبردست ہے، ملتان سلطانز کے نوجوان احسان اللہ نے بہت متاثر کیا ہے۔کوئٹہ کی ٹیم میں شامل نسیم شاہ اور محمدحسنین بھی زبردست ٹیلنٹ ہیں، پاکستان کے پاس فاسٹ بائولنگ کا زبردست ٹیلنٹ ہے۔