ہارس اینڈ کیٹل شو کیلئے بہترین انتظامات کریں : سیکرٹری سپورٹس

لاہور(سپورٹس رپورٹر)سیکرٹری سپورٹس اینڈ یوتھ افیئرز پنجاب شاہد زمان کی زیرصدارت نیشنل ہاکی سٹیڈیم میں 10سے 12مارچ تک منعقد ہونے والے نیشنل ہارس اینڈ کیٹل شو کی تیاریوں کے حوالے سے اہم اجلاس منعقد ہواجس میں ڈائریکٹر جنرل سپورٹس پنجاب محمد طارق قریشی نے سپورٹس ودیگر ایونٹس کے بارے میں بریفنگ دی۔ شاہد زمان نے افسران کو ہدایت کی کہ نیشنل ہارس اینڈ کیٹل شو کے سپورٹس ودیگر ایونٹس کی بھرپور تیاری کی جائے۔ سپورٹس ایونٹس میں چاروں صوبوں، اسلام آباد، آزاد کشمیر اور گلگت بلتستان کے کھلاڑی بھی شریک ہونگے، کھلاڑیوں کو اعلی معیار کی سہولیات فراہم کرنے کیلئے بہترین انتظامات کریں۔ساڑھے42 کلومیٹر کی سائیکل ریس بھی ہوگی۔ڈائریکٹر جنرل سپورٹس پنجاب محمد طارق قریشی نے بتایا کہ نیشنل ہارس اینڈ کیٹل شو کے سلسلہ میں میراتھن بھی ہو گی ۔350نوجوان یونٹی شو میں حصہ لیں گے،لاہور آرٹس کونسل اور پنجاب آرٹس کونسل غزل نائٹ اور بہار مشاعرہ کرائیں گے،نیشنل ہارس اینڈ کیٹل شو کے بہترین انتظامات کیلئے کمیٹیاں تشکیل دی جارہی ہیں۔