اسلام آباد، شہری نقدی ، زیورات ، 4  گاڑیاں،  14موٹرسائیکلوں سے محروم 

اسلام آباد(اپنے سٹاف رپورٹر سے)ڈکیتی ، چوری کی وارداتوں میںشہریوں کونقدی ، زیورات ، چارگاڑیوں14موٹرسائیکلوں سمیت قیمتی سامان سے محروم کر دیا گیاتھانہ آبپارہ کو ذیشان اسلام نے بتایا کہ سیکٹرG 7/2 میں تین مسلح موٹرسائیکل سواروں نے 9تولہ وزنی سونے کے زیورات، 10ہزار روپے کی نقدی چھین لئے تھانہ ترنول کو عمر دراز نے بتایا کہG 15/1 میں دو مسلح افراد مجھ سے ایک لاکھ روپے کی نقدی اور موبائل فون چھین کر فرار ہوگئے تھانہ آبپارہ کو شازیہ ظہیر نے بتایا کہ جی سیون فور میں میرے گھر سے دو تولہ وزنی سونے کے زیورات چوری ہوگئے تھانہ کوہسار کو شاہد اسماعیل نے بتایا کہ میرا بیگ چوری ہوگیا جس میں نقدی ، موبائل فون تھے،  گلبرگ گرین سے جواد کی کار کلٹس YB-528، تھانہ آئی نائن کے علاقے سے حارث بشیر کی آلٹس گاڑی AWW-208،تھانہ شالیمار کے علاقے ایف ٹین مرکز سے ظہور الہی کی گاڑی LRQ-7311، تھانہ کوہسار کے علاقے ایف سکس مرکز سے لیاقت علی کی گاڑیQBB-0366  اور 14موٹرسائیکل چوری ہو گئے۔