مارچ کا سورج پاسبان گروپ کی کامیابی کی نوید لائے گا: روحیل ارشد

گوجرانوالہ (نمائندہ خصوصی )پاسبان گروپ کے نامزد امیدوار برائے ایگزیکٹو ممبر چوہدری روحیل ارشد نے کہا ہے کہ12 مارچ کو سورج پاسبان گروپ کی کامیابی کی نوید لیکر طلوع ہو گا، پاسبان گروپ ڈی سی کالونی کے رہائشیوں کے حقوق کا ضامن اور ڈی سی کالونی کے ترقی کے لیے کوشاں ہے ڈی سی کالونی کے رہائشیوں کے وسیع تر مفاد اور سوسائٹی کی فلاح وبہبود کے لیے پاسبان گروپ کے پلیٹ فارم سے الیکشن میں حصہ لینے کا فیصلہ کیا ڈی سی کالونی میں لوٹ مار اور کرپشن کا بازار گرم کرنے والے مفاد پرست ٹولے کے احتساب کا دن قریب آ گیا 12 مارچ کو ڈی سی کالونی کے غیور شہری اپنے حق رائے دہی استعمال کرتے ہوئے ڈی سی کالونی کے حقیقی نگہبان پاسبان گروپ کو بھاری اکثریت سے فتحیاب کرینگے اور مفادات کی سیاست کرنے والوں کو مسترد کردینگے۔