لاہور(نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں،گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے  باٹاپور کے علاقے میں عمران کے گھر گھس کراہلخانہ کو یرغمال بنا کر 8 لاکھ90ہزار روپے مالیت کی کی نقدی، طلائی زیوارات، موبائل فون اوردیگر سامان،شاہدرہ کے علاقے میں شاہد سے اسلحہ کے زور پر 3لاکھ 45ہزار روپے، گڑھی شاہو کے علاقے میں موٹر سائیکل سوار ڈاکوؤں نے موسی سے اسلحہ کے زور پر 4لاکھ روپے اور موبائل فون، مصطفی ٹاؤن کے علاقے میں مبشر سے 93 ہزار روپے اور موبائل فون، مصری شاہ میں حسن سے موٹر سائیکل، 43ہزار روپے، گھڑی اور موبائل فون،سمن آباد میں عامرسے گن پوائنٹ پر 29ہزار نقدی اور موبائل فون،بادامی باغ کے علاقے میں عادل سے19ہزار روپے اور موبائل فون لوٹ لیا۔ چوروں نے مانگا منڈی کے علاقے میں وسیم کی دکان سے 4اکھ روپے مالیت کے گارمنٹس چوری کر لئے اور فرار ہو گئے ہیں۔چوروں نے ڈیفنس، گرین ٹاؤن،باغبانپورہ اور برکی کے علاقوں میں سے 4کاریں جبکہ نیو انارکلی،رنگ محل، شاہدرہ ٹاؤن، بھاٹی گیٹ، نولکھا، اسلام پورہ اور اکبری گیٹ کے علاقوں میں سے 7 موٹر سائیکلیں چوری کر لیں۔