لاہور(سپورٹس رپورٹر)آئی سی سی ٹی20ورلڈکپ کے باقی ماندہ ٹکٹوں کی فروخت کا آغاز شروع ہوگیا۔ انٹرنیشنل کرکٹ کونسل نے میگا ایونٹ کے آغاز میں باقی رہ جانے پر ٹکٹوں سے متعلق اعلان کیا توشائقین میں خوشی کی لہر دوڑ گئی۔آئی سی سی کا کہنا ہے کہ ٹی20ورلڈکپ 2024کے دوسرے مرحلے میں باقی ٹکٹوں کی فروخت کا آغاز 22فروری سے ہوگیا۔ یہ تمام ٹکٹس پہلے آئیے پہلے پائیے کی بنیاد پر دیئے جائیں گے،قبل ازیں 7فروری کو آئی سی سی نے شائقین کیلئے اوپن ٹکٹ بیلٹ کے ذریعے ٹکٹوں کے حصول کی درخواستیں وصول کی تھیں تاکہ فینز کو ٹکٹ حاصل کرنے کا مساوی موقع فراہم کیا جاسکے۔ پاکستان‘ بھارت مقابلے کیلئے کم از کم ٹکٹ کی مالیت 175ڈالر یعنی (49ہزار 500روپے سے زائد)جبکہ سٹینڈرڈ پلس سٹینڈ کی قیمت 300ڈالر یعنی (84ہزار 500سے زائد)ہوگی۔پریمیم سٹینڈ 400 ڈالر ( 1لاکھ 13ہزار 200سے زائد) قیمت پر ٹکٹ فروخت ہوگا۔میگا ایونٹ کا 100روز کے کائونٹ ڈائون کا بھی آغاز کردیا گیا ہے۔