لاہور (سپورٹس رپورٹر) بینک الفلاح نیشنل اوپن پولو چیمپئن شپ برائے قائداعظم گولڈ کپ 2024ء میں بی این پولو نے زبردست مقابلے پر سڈن ڈیتھ پر ایکسٹرا ٹائم میں ڈی ایس پولو کو12-11 سے ہرا کر نیشنل اوپن کے فائنل کیلئے کوالیفائی کرلیا۔ اب بی این پولو کا مقابلہ اتوار کو ایف جی پولو کے ساتھ مین فائنل میں ہوگا۔ سب سڈری فائنل ڈائمنڈ پینٹس /ماسٹر پینٹس اور اولمپیاء /اے زیڈ بی کی ٹیموں کے درمیان جبکہ مین فائنل بی این پولو اور ایف جی پولو کی ٹیموں کے درمیان کل ہوگا۔