پی ڈی ایم اےنےبارشوں کاالراٹ جاری کردیا

پی ڈی ایم اےنےبارشوں کاالراٹ جاری کردیا۔ترجمان پی ڈی ایم اےکےمطابق پنجاب کے مختلف علاقوں میں 26اور27فروری کوبارشوں کےامکانات ہیں۔ اٹک ، راولپنڈی، جہلم ، چکوال، سرگودھااورمیانوالی میں بارش ہوگی۔جبکہ بھکر ،لیہ اور ڈیرہ غازی خان میں بھی بارش و ژالہ باری کے امکانات ہیں ۔ترجمان پی ڈی ایم اےکےمطابق لاہور سمیت دریاؤں کے بالائی علاقوں میں موسلا دھار بارشوں کے امکانات ہیں۔ مری اور گلیات میں بھی شدید بارش اور برفباری کے امکانات ہیں ۔ برفباری سے سڑکیں و ٹریفک کی روانی متاثر ہو سکتی ہے ۔ڈی جی پی ڈی ایم عمران قریشی نےانتظامیہ کو الرٹ رہنے کی ہدایات کردی ہے، پی ڈی ایم اے کے صوبائی کنٹرول روم سمیت ڈسٹرکٹ ایمرجنسی آپریشن سنٹرز کو الرٹ کر دیا گیا ہے۔سیاح اور مسافر ان دنوں کےدوران انتہائی محتاط رہیں۔