لاہور + فیصل آباد (سپورٹس رپورٹر + وقائع نگار خصوصی) پنجاب ہاکی ایسوسی ایشن کے زیراہتمام تیسری نیشنل ٹرے چیمپئن شپ ائرفورس نے جیت لی۔ فیصل آباد ہاکی سٹیڈیم مدینہ ٹاﺅن میں کھیلے جانے والے فائنل میں جس میں ائرفورس نے پی ایچ ایف اکیڈمی کی ٹیم کو ایک کے مقابلے میں دو گول سے شکست دی۔ فائنل میچ کے مہمان خصوصی پاکستان ہاکی فیڈریشن کے سیکرٹری محمد آصف باجوہ نے جیتنے والی ٹیم میں انعامات تقسیم کئے۔ اس موقع پر پاکستان سینئر ٹیم کے مینجر خواجہ جنید، انجم سعید، شہباز جونیئر کے علاوہ ڈسٹرکٹ ہاکی ایسوسی ایشن فیصل آباد کے عہدیداران اور ممبران بھی موجود تھے۔ اس موقع پر آصف باجوہ نے خطاب کرتے ہوئے کہا کہ وہ فیصل آباد کی انتظامیہ کا شکریہ ادا کرتا ہوں جن کی معاونت سے یہ چیمپئن شپ انتہائی کامیابی سے پایہ تکمیل تک پہنچی۔