لاہور(سپورٹس رپورٹر) قومی کرکٹ ٹیم کے ہیڈ کوچ  ڈیو واٹمور کا کہنا تھا کہ میں اپنے معاہدے کا اختتام کامیابی کے ساتھ کرنے پر خاصا مسرور ہوں قومی ٹیم کے کھلاڑیوں نے سری لنکا کیخلاف آخری ٹیسٹ جیت کر مجھے یادگار تحفہ دیا ہے۔ اپنے اعزاز میں الوداعی تقریب کے دوران ان کا کہنا تھا کہ ایشیاء کپ اور بھارت کیخلاف سیریز کی فتوحات میرے لئے  یادگار رہیں گی۔بہت جلد کسی اور حیثیت سے پاکستان واپس آئوں گا۔ جولین فائونٹین نے کہا کہ پاکستانی ٹیم کی فیلڈنگ کا معیار بہتر کرنے کیلئے تمام تر صلاحیتوں کو بروئے کار لایا ہوں۔ دونوں افراد نے پاکستانی عوام اور شائقین کرکٹ کا بھی شکریہ ادا کیا۔