ٹھٹھہ صادق آباد )نمائندہ نوائے وقت( ٹھٹھہ صادق آباد بہت بڑی تباہی سے بچ گیا۔ نواحی گاﺅں 136دس آر میں لوگوں نے دہشت گردوں کی اسلحہ سے بھری گاڑی کو پکڑ لیا ایک دہشت گرد یوسف پٹھان گرفتار باقی 9 دہشت گرد اور ایک عورت دو گاڑیوں میں فرار ہونے میں کامیاب ہوگئے۔ کچھ دہشت گرد چک میں ہی چھپ گئے۔ اطلاع ملنے پر ڈی پی او خانیوال جہانزیب نزیر خان ، ایس ڈی پی او جہانیاں عمران کالرہ بھاری فورس کے ہمراہ موقع پر پہنچ گئے۔ چک میں چھپے مزید دہشت گردوں کی تلاش جاری۔ بتایا گیا ہے کہ چک 136/ دس آر میں لکی مروت سے10 دہشت گرد اور ایک عورت تین گاڑیوں کے ذریعے غلام مصطفی عرف باﺅ مٹھو فوجی کے گھر مہمان بن کر آئے اور ایک گاڑی سے اسلحہ نکال رہے تھے، ہمسائے زوہیب نے دیکھ کر مچایا جس پر علاقے کے لوگوں نے ایک دہشت گرد یوسف کو قابو کر لیا اور پولیس کو اطلاع کر دی۔ پولیس دو گھنٹے تاخیر سے پہنچی جس کی وجہ سے باقی دو گاڑیوں میں 9 دہشت گرد فرار ہو گئے، گھر کا ملک غلام مصطفی عرف مٹھو فوجی بھی اہل خانہ سمیت فرار ہوگیا۔ گاڑی سے تقریباً 70 پسٹل،7 کلاشنکوف، 12 رائفلیں اور تقریباً ہزاروں کی تعداد میں گولیاں برآمد ہوئیں۔
دہشت گردی کوشش