لاہور(سپورٹس رپورٹر+نمائندہ سپورٹس ) سپورٹس بورڈ پنجاب اپنی کامیابیوں کا سلسلہ 2019ء میں بھی جاری رکھے گا۔ وزیراعلیٰ پنجاب سردار عثمان بزدار کے ویژن کے مطابق سپورٹس بورڈ پنجاب صوبہ میں سپورٹس کے کلچر کو فروغ دینے کیلئے اقدامات کر رہا ہے۔انٹر نیشنل کبڈی ٹاکرا کا کامیابی سے انعقاد کیا،8سال بعدپنجاب گیمز منعقد کررہے ہیں، مختلف کھیلوں کے تربیتی کیمپس بھی جاری ہیں۔ ان خیالات کا اظہار ڈائریکٹر جنرل سپورٹس پنجاب ندیم سرورنے کہا ہے کہ سپورٹس بورڈ پنجاب سپورٹس کی ترقی اور فروغ کے لئے اپنی کاوشیں جاری رکھے گا، سپورٹس بورڈ پنجاب وزیراعلیٰ پنجاب سردار عثمان بزدار کے ویژن کے مطابق پنجاب میں سپورٹس کے کلچر کو فروغ دینے کیلئے اقدامات کر رہا ہے۔ نئے ٹیلنٹ کی تلاش کیلئے کئے گئے اقدامات کے دورس تنائج سامنے آئے ہیں۔