پیرو کے دارالحکومت لیما میں ٹینکر میں گیس لیکج سے ہونے والے دھماکے سے آگ بھڑک اٹھی جس کے نتیجے میں ایک شخص ہلاک اور 50 افراد زخمی ہو گئے۔ مقامی پولیس کے مطابق یہ حادثہ گزشتہ روز پیسٹور سیویلا اور ویلا ڈیل مر کے درمیان اس وقت پیش آیا جب ایک کمپنی کے گیس ٹینکر میں لیکج سے آگ بھڑک اٹھی جس نے قریبی 8 گھروں کو اپنی لپیٹ میں لے لیا جس کے بعد ایک مکینک کی دکان سے ٹکرانے کے باعث دھماکے کے نتیجے میںایک شخص ہلاک اور 50 زخمی ہو گئے جنہیں ہسپتال منتقل کر دیا گیا ہے۔ زخمیوں میں سے 20 کی حالت تشویشناک بتائی جاتی ہے۔حادثے کے بعد علاقے میں بجلی کی سپلائی بھی عارضی طور پر معطل ہوگئی ہے۔