ترکی میں وفادار کتا مالک کے علاج پرکئی روز ہسپتال کے باہر انتظار کرتا رہا

انقرہ (نوائے وقت رپورٹ) ترکی میں ایک کتے نے وفاداری کی نئی مثال قائم کردی،بیمار مالک کے علاج کے دوران کتا کئی روز تک ہسپتال کے باہر انتظار کرتا رہا ، کتا مالک کو ہسپتال منتقل کرنیوالی ایمبولینس کا پیچھا کرتے ہوئے ہسپتال پہنچا ، بیمار شخص کی بیٹی اینور ایگلی نے بتایا کہ وہ کتے کو روزانہ گھر واپس لے جاتی مگر وہ بھاگ کر پھر ہسپتال چلا جاتا،آخر کار جب مالک کو وہیل چیئر پر باہر لایا گیا تو کتے کی ملاقات ہوگئی،اس موقع پر مالک کا کہنا تھا کتا مجھ سے بہت لگاؤ رکھتا ہے اور میں بھی اس کو بہت یاد کرتا تھا۔