گوجرانوالہ (نمائندہ خصوصی) گوجرانوالہ میں صنعتکار کے بیٹے کی بارات میں ڈالر کی برسات کی گئی۔ ہوا میں اڑتے ڈالرز دیکھ کر باراتی بھی نوٹ لوٹتے رہے۔ وی۔او۔ ڈی سی کالونی کے رہائشی صنعتکار ثناء اللہ کے بیٹے کی شادی تھی، بارات چندا قلعہ بائی پاس کے قریب واقع میرج ہال پہنچی تو دولہا کے دوستوں اور کزنوں نے پاکستانی کرنسی کے ساتھ ساتھ ڈالرز بھی نچھاور کئے۔ مقامی افراد اور بچوں نے ڈالرز اکٹھے کرنا شروع کئے تو ڈالرز دیکھ کر بارات میں شامل مہمان بھی ڈالرز لوٹنے میں لگ گئے۔ فضاء میں ہر طرف ڈالر ہی ڈالر اڑ رہے تھے۔