امریکی ریاست ایریزونا میں بس الٹ گئی،ایک شخص ہلاک ‘ 41زخمی

لاس اینجلس (اے پی پی)امریکی ریاست ایریزونا کے شمال مغرب میں بس الٹنے سے ایک شخص ہلاک اور 41زخمی ہوگئے۔ چینی ذرائع ابلاغ کے مطابق ایریزونا میں موہاو کاونٹی شیرف کے دفتر سے جاری ایک بیان میں کہا کہ سیاحتی بس روز گرینڈ کینیا جا رہی تھی جس میں 48سیاح سفر کر رہے تھے ۔حکام نے کہا کہ بس تیز رفتاری کے باعث لاس اینجلس سے 520 کلومیٹر شمال مشرق میںایریزونا کے ڈولن سپرنگ میںسڑک پر الٹ گئی جس کے نتیجے میں ایک شخص ہلاک اور 41زخمی ہوگئے۔ریسکیو ٹیم نے جائے حادثہ پر پہنچ کر لاش اور زخمیوں کو قریبی ہسپتال منتقل کردیا ہے۔ پولیس نے مقدمہ درج کر کے مزید تحقیقات شروع کر دیں۔