لاہور(سپورٹس رپورٹر) آئی سی سی ٹی ٹونٹی انٹرنیشنل کرکٹر آف دی ایئر کا اعزاز حاصل کرنے والے پاکستان کے وکٹ کیپر بیٹر محمد رضوان کیلئے چیئرمین پاکستان کرکٹ بورڈ رمیز راجہ نے خصوصی پیغام میں محمد رضوان کو پاکستان کا نام فخر سے بلند کرنے پر مبارکباد دی، ساتھ ہی انہوں نے لکھا کہ آپ اس کامیابی کے مستحق تھے۔چیئرمین پی سی بی نے کرکٹر کے لیے لکھا کہ آپ کی عاجزی، رویہ اور محنت آپ کی خاصیت ہے۔رمیز راجہ نے رضوان کیلئے مستقبل میں مزید کامیابی اور اعزازات کیلئے دعا بھی کی۔