کپتانی سے کس نے ہٹایا علم نہیں ‘پیغام وسیم خان لائے تھے : سرفراز احمد

لاہور(سپورٹس رپورٹر)سابق کپتان سرفراز احمد نے ٹیم کی قیادت سے ہٹائے جانے سے متعلق تہلکہ خیز انکشاف کیا ہے۔ سرفراز احمد نے کہا کہ وسیم خان (چیف ایگزیکٹو) پیغام لائے تھے کہ خود نہیں ہٹے تو ہٹا دییجائیں گے۔ میرا کوئی بْرا وقت نہیں چل رہا ٹیم مینجمنٹ کہے تو اوپننگ کرنے کوبھی تیار ہوں، میں ہمیشہ پرفارم کرنے پر فوکس کرتا ہوں پی ایس ایل کے اس سیزن میں بھی ٹاپ کرنا میرا مشن ہے۔ پاکستان کی ٹیم مینجمنٹ نے رضوان کو کہا اوپن کریں مجھے کہا گیا تو میں بھی اوپنر بن جاوں گا۔قیادت چھوڑنے سے متعلق سوال پر سرفرازاحمد نے کہا کہ مجھے کپتانی سے کس نے ہٹایا اس کا علم نہیں لیکن وسیم خان پیغام لائے تھے کہ خود نہیں ہٹے تو ہٹا دیئے جائیں گے۔