لاہور(سپورٹس رپورٹر)سابق بھارتی کپتان محمد اظہرالدین نے کہا ہے کہ اْنہیں پاکستان کے لیجنڈ فاسٹ بائولر وسیم اکرم کا سامنا کرنا سب سے مشکل لگا۔ٹوئٹر پرکئے گئے سوال پر کہا کہ کہ وسیم اکرم سب سے مشکل بائولر ہیں جن کا میں نے کبھی سامنا کیا ہے۔ اگر آپ کو کرکٹ سے متعلق مشورے کی ضرورت ہے تو مجھ سے ایک سوال پوچھیں، مجھے جواب دینے میں خوشی ہوگی۔یہ پہلا موقع نہیں ہے جب اظہر الدین نے وسیم اکرم کی جادوئی  باؤلنگ کے بارے میں ان خیالات کا اظہار کیا ہو۔2016 میں، دہلی میں ایک کرکٹ تھیم پر مبنی فلم کے آغاز کے موقع پر بھی اْنہوں نے کہا تھا کہ اپنے پورے کیریئر میں وسیم اکرم کو سب سے مشکل بائولر پایا۔