لاہور(سپورٹس ڈیسک ) جنوبی افریقہ نے بھارت کو تیسرے ون ڈے میچ میں 4رنز سے شکست دے کر تین میچوں کی سیریز میں وائٹ واش کردیا۔ فاتح ٹیم نے 287رنز بنائے ۔ کوئنٹن ڈی کاک نے 124رنز کی شاندار اننگز کھیلی۔ ریسائی وینڈر ڈوسین 52اور ڈیوڈ ملر 39رنز بناکر نمایاں رہے ۔ پرسدھ کرشنا نے تین کھلاڑیوں کو آئوٹ کیا ۔ بھارتی ٹیم 283رنز پر ڈھیر ہو گئی ۔ شیکھر دھون 61‘ویرات کوہلی 65اور دیپک چھاہر 54رنز بناکر نمایاں رہے ۔ لنگی نگیڈی نے تین کھلاڑیوں کو آئوٹ کیا ۔ کوئنٹن ڈی کاک کو میچ اور سیریز کا بہترین کھلاڑی قرار دیا گیا ۔