محمد رضوان نے اپنا ایوارڈ  پاکستانی عوام کے نام کردیا

ملتان(سپورٹس ڈیسک) آئی سی سی ٹی ٹونٹی کرکٹر آف دی ایئر قرار پانے والے قومی ٹیم کے وکٹ کیپر بلے باز محمد رضوان نے اپنا ایوارڈ پاکستانی عوام کے نام کردیا۔ ٹویٹر پر اپنے پیغام میں محمد رضوان نے لکھا کہ ’’الحمدللہ ،بس اللہ سے ہوتا ہے ، اللہ کے غیر سے نہیں ہوتا۔ ان کا مزید کہنا تھا کہ میں اپنی حمایت اور محبت کے لیے سب کا شکر گزار ہوں۔ں، ابھی سفر شروع ہوا ہے، یہ ایوارڈ پاکستان اور پاکستان کے خوبصورت لوگوں کے لیے وقف ہے‘‘اعزاز حاصل کرنے پراللہ کا شکر ادا کرتا ہوں، دنیا بھر میں ملک کا نام روشن کر کے خوشی ہوئی۔واضح رہے کہ پاکستانی کرکٹ ٹیم کے مایہ ناز بلے باز وکٹ کیپر محمد رضوان نے کرکٹ کی تاریخ میں بے شمار ریکارڈز حاصل کرنے کے بعد آئی سی سی ٹی ٹوئنٹی کرکٹر آف دی ایئر کا ایوارڈ بھی اپنے نام کرلیا ہے۔