جمرود کے پہاڑوںمیں 11 بچے راستہ بھٹک گئے، ریسکیو کرلیا گیا

جمرود (نوائے وقت رپورٹ) خیبر پی کی تحصیل جمرود کے پہاڑی علاقے میں پکنک پر گئے 11 بچے راستہ بھٹک گئے۔ جنہیں ریسکیو کرلیا گیا۔ بچے رات کی تاریکی کی وجہ سے راستہ بھٹکے ،بچوں نے ویڈیو بناکر سوشل میڈیا پر اپ لوڈ کردی۔ بچوں نے ویڈیو پیغام میں کہا ہے کہ بھوک لگی ہے، اندھیرا ہے، شدید خوف ہے۔ دیگر اشیاء ختم ہوگئیں ۔رابطہ نہ ہونے پر گوگل لوکیشن کا سہارا لیا جائے۔ ریسکیو 1122 کے مطابق گوگل لوکیشن سے ابدال خیل پہاڑ میں بچوں کی تلاش شروع کردی ہے۔ڈپٹی کمشنر منصور ارشد کے مطابق تحصیل جمرود کے پہاڑ میں بھٹک جانے والے 11 بچوں کو ریسکیو کرلیا گیا۔ تمام بچے محفوظ ہیں۔ بچوں کو جمرود پہنچا دیا گیا۔ تمام بچے تحصیل جمرود کے گائوں گوادر کے رہائشی ہیں۔